eGov GPT жыл соңына дейін 150 қызметке жетеді

inbusiness мәліметінше, Қазақстанда жыл соңына дейін eGov GPT арқылы 150 мемлекеттік қызмет іске қосылады. Қазір жасанды интеллекттің көмегімен 51 қызмет қолжетімді, яғни тізім шамамен үш есе өседі.

Азаматтар мемлекетпен мәселені кезекте тұрмай, портал бөлімдерін іздемей, ЖИ-көмекшімен сөйлесу арқылы шешуге үйрене бастайды. Бұл әдет орныққан соң, дәл сондай талапты жеке компанияларға да қояды: жылдам жауап, түсінікті тіл, қолмен жасалатын қадамдар аз болуы керек. Бизнес үшін бұл жаңа міндет емес, клиент мінез-құлқындағы өзгерістің белгісі.

Клиенттер мен қызметкерлер сізден жиі сұрайтын бес сұрақты жазып алыңыз да, әрқайсысына жауап беруге қанша уақыт кететінін бағалаңыз. Осындай қайталанатын сұрақтарды алдымен ЖИ-ға беру керек. «Сұрадым — жауап алдым» қағидасы компания ішінде де жұмыс істейді: 1Cifer-де басшы қарапайым тілмен сұрақ қояды да, 1С, CRM және банк деректері бойынша жауап алады.